Міжнародны дзень роднай мовы – асаблівая дата для кожнага, хто любіць і шануе сваю культуру.
У гэтым годзе наша школа падрыхтавала насычаную праграму, каб кожны вучань змог дакрануцца да жывога і мілагучнага беларускага слова. З самай раніцы ў школе гучала беларуская музыка, а вучняў і настаўнікаў ля ўваходу сустракалі дзяўчаты ў нацыянальных строях . Яны прапаноўвалі ўсім жадаючым далучыцца да гульні «Перакладзі» і гаварылі цёплыя словы прывітання на роднай мове.
У гэты дзень у нашай школе ўжо традыцыйна праводзіліся акцыі “Гавары са мной па-беларуску” і “Папацей, грамацей!”. Вялікай папулярнасцю карысталася майстэрня “Беларускі арнамент”. Былі наладжаны музычныя перапынкі з удзелам школьнага аркестра, ансамбля танца «Раўніца», таксама гучалі беларускія песні ў выкананні дзяўчат старэйшых класаў. Удзельнікі лектарскай групы завіталі да вучняў пачатковых класаў і правялі з імі займальныя віктарыны.
Свята атрымалася пазнавальным і цікавым. Яно яшчэ раз нагадала ўсім, як важна берагчы і шанаваць родную мову .