Сёння, 21 лютага, у нашай школе прайшлі мерапрыемствы, прысвечаныя Міжнароднаму дню роднай мовы. Гэта нашы традыцыйныя акцыі "Гавары са мной па-беларуску", "Папацей, грамацей!", майстэрня "Беларускі арнамент ". Удзельнікі лектарскіх груп завіталі ў кожны клас і правялі з вучнямі займальныя віктарыны. На перапынках праводзілася літаратурна-музычная кампазіцыя "Гучы, роднае слова!" Таксама вучні адгадвалі загадкі і рэбусы,тлумачылі прыказкі і фразеалагізмы, перакладалі словы з рускай мовы.
Асаблівую цікавасць выклікала ў дзяцей і дарослых сустрэча з майстрам народных промыслаў Дзямідчык Таісіяй Раманаўнай, якая прадэманстравала народныя лялькі і расказала пра асаблівасці іх вырабу.
На працягу ўсяго дня панавала атмасфера ўрачыстасці, душэўнай цеплыні, павагі і любові да роднай мовы.