6 мая ў рамках тыдня беларускай мовы і літаратуры для вучняў 8 "А" і 8 "Б" класаў прайшла яркая і пазнавальная інтэлектуальная гульня "Жыву ў Беларусі і ганаруся".
Васьмікласнікі спаборнічалі ў намінацыях: сімвалы дзяржавы, зямля герояў, культурная спадчына, крок у будучыню, песняры, зямля пад белымі крыламі, у свеце народных традыцый. Вучні добра справіліся з заданнямі, даведаліся шмат новага і паказалі, што яны — сапраўдныя патрыёты сваёй краіны. Перамогу атрымаў 8 "Б" клас. Гульня прайшла ў атмасферы жывой зацікаўленасці і здаровага спаборніцтва. Вучні паказалі не толькі глыбокія веды па гісторыі і культуры Беларусі, але і ўменне працаваць у камандзе, хутка прымаць рашэнні і лагічна мысліць.