22 лютага навучэнцы 3-4 класаў прынялі ўдзел у рэкламнай акцыі "Гучы, роднае слова!"
Акцыя прымеркавана да Міжнароднага дня роднай мовы. Мэта мерапрыемства – папулярызаваць беларускую мову, выхаваць у школьнікаў пачуццё павагі і любові да роднага слова.Школьнікі здзейснілі падарожжа ў гісторыю роднага слова. Падчас мерапрыемства гучалі цікавыя выказванні беларускіх пісьменнікаў аб родным слове, кожнае слова разабралі "па костачках", растлумачылі яго лексічнае значэнне, спявалі песні і танцавалі. Вучні прыйшлі да высновы, што наша родная мова для нас – самая прыгожая. Менавіта ў мове захавана гісторыя нашага народа, моц і прыгажосць народнага слова.